09-08-2021

Ta bon pa bo sa ku…vitamina B ta indespensabel pa e bon funshonamentu di e sistema nervioso i imun.

Bo tabata sa ku…awakati ademas di ta riku ku vèt saludabel e ta riku tambe ku vitamina B?

Vitamina B den su totalidat tin masha hopi benefisionan i ta di sumo importansia pa e kurpa humano. Algun investigashon ta sugerí ku vitamina B12 por yuda redusídepreshon i ansiedat den sierto kasonan. Vitamina B ta importante tambe pa hende muhenan ku tin pensá pa sali na estado o ta na estado pa tuma sufisiente B9 (folic acid-foliumzuur). Muhe nan na espera mester di sufisiente B12.

Estudionan ta mustra ku defisienia di B12 por kousa perdida di yu, poko peso na nasementu o sierto konsekuensia nan abormal pa e beibi.  Alternativa nan ku tin hopi vitamina b ku no ta produktonan animal ta awakati, nechi o blachinan berde (“boerenkool”, spinashi, kolo, èts). Awakati por ehèmpel ta riku ku vitamina D. Pa kada 100 gram di awakati tin B5; 1.39 miligram (mg) ku ta 28% di e kantidat ku hende mester pa dia. Vitamina B6 tin 0.26mg (15%), B2 0.13mg (10%), B3 1.74mg (11%), B1 0.07 (6%), B9 81 mcg (20%). Ta importante pa tuma nota ku vitamina B indespensabel pa un kurpa saludabel yen di energia.

Ta bon pa bo sa…ku por introdusí awakati, nechi i berduranan bèrde na diferente manera nan kreativo den bo dieta.

Fuente: https://www.medicalnewstoday.com/articles/324856#side-effects-and-risks

 

21-07-2021

Bo tabata sa ku…vitamina B no ta referí na un pero na ocho diferente vitaminan?

Vitamina B tin un ròl importante den kombertí kuminda den energia. Tin ocho tipo di vitamina B: B1, B2, B3, B5, B6, B7, B9 i B12. Vitamina B1 (thiamin) ta vital pa kresementu saludabel i funshon di organonan, inkluyendo kurason i seleber. Vitamina B2 (riboflavin), ta esenshal pa kibra o dekompositá vèt, tabako, kafeina, èts. E kurpa mester di vitamina B3 (Niacin) pa mantene kueru saludabel, nervio, i digestion. Niacin sa wòrdu preskirbí pa dòkternan ora e kolesteròl ta haltu. Vitamina B5 (pantothenic acid) ta esenshal pa e salu selebral i sistema nervioso. Vitamina B6 ta yuda e kurpa traha selulanan kòrá di sanger (rode bloedcellen), kual ta karga oksigeno na henter e kurpa. Ademas B6 ta yuda mantene e sistema imun. Vitamina B7 (biotin) ta esenshal pa kabei, uña saludabel i funshonamentu di nervio. Vitamina B9 (folic acid) ta un forma natural pa traha DNA i materialnan genetiko.

Por ultimo tin vitamina B12 (cobalamin), nervionan i selunan di kurpa mester tin un nivel adekua di e vitamina aki, pa evitá por ehèmpel anemia.

Fuente: https://www.medicalnewstoday.com/articles/324856#side-effects-and-risks

13-06-2021

Bo tabata sa ku…defisiensia di vitamina A ta kondusí na problema ku wowo?

Vitamina A ta vèt solubel (vèt ku ta disolvé) ku ta importante pa kresementu di kueru, kabei i uña saludabel. Tambe importante pa bon funshonamentu di wowo, sistema imun, reprodukshon i rekonosementu di selulanan. Tambe e ta yuda e kurason, pulmon, nir i otro organonan pa nan funshoná apropiadamente. Vitamina A ta presentá den diferente forma, por ehèmpel den pre-forma vitamina (por hañ’e den piska o karni), pro-vitamina A (por hañe den fruta o bèrdura) i retinol ku ta e forma mas aktivo di vitamina A den sanger.

Beta-carotin ta un pro-vitamina ku por wòrdu haña den mata o den fruta i bèrdura kolo skur manera “blueberry”, druif, berehein i kolo lila. Beta carotin riba su mes ta un antioksidante pero e kurpa por komberti’e den vitamina A si mester. Defisiensia na vitamina A por kousa sieguedat den anochi. Tambe e kapa frontal transparente di e wowo ta seka i bira menos skèrpi. Fuentenan ku tin hopi di vitamina A ta zeta di bakiyou, wòrtel, brokoli, batata, spinashi, pampuna, aprikot, “boerenkool”, èts. E kandidat rekomendabel pa vitamina A pa hende riba 14 aña ta 700 mikrogram (mg) pa hende muhe i 900 mikrogram pa hende hòmber. Ta bon pa bo sa ku…den brokoli pa kada 100 gram tin 0.40 mikrogram di vitamina A. 

Fuente: https://www.medicalnewstoday.com/articles/219486

21-5-2021

Bo tabata sa ku…tin 13 vitamina rekonosí i ta solubre den vèt o awa?

Vitamina ta komponente organiko ku hende tin mester na kantidat chiki. Mayoria di e vitamina nan tin ku bini for di alimentonan, paso e kurpa mes no por produsi’e òf ta produsi’e tiki. Kada organismo ta diferente den nan nesesidat di vitamina. Por ehèmpel un hende ta obtene vitamina C dor di su dieta, kaminda un kacho mes ta produsi tur e vitamina C ku e mester. Diferente vitamina ta hunga un ròl i un persona mester haña sufisiente pa e keda bon di salu. Nan ta 13 vitamina en total, vitamina A, B1, B2, B3, B5, B6, B7, B9, B12, vitamina C, D, E, i K. Kada un tin su funshon i un dieta varia ta yuda pa akapara tur e vitaminan aki den bo kurpa. Den e siguiente kolumnanan nos lo bai elobor kada un di e vitamina nan aki, nan funshon, kon bo ta rekonosé ora bo tin defisiensia i kua alimento tin hopi di dje.

Ta bon pa bo sa ku…e 13 vitaminanan rekonosí ariba su ròl pa un kurpa saludabel ta importante. 

18-04-2021

Bo tabata sa ku…blachi di lamunchi ta sumamente saludabel?

Banda di lamunchi, e blachi di lamunchi ku e palu ta produsí tambe ta hopi bon pa salu. E blachinan tin hopi propiedatnan anti-bakterial i anti-inflamatorio ku ta yuda kura kantidat di problemanan. Tambe e ta yuda bon pa kombati diarea, konstipashon, saka gas, eliminá párasito nan den stoma, promové bon digestion, detoksifiká higra, nir i urina blas. E benefisionan ta hopi i hasta bon pa kurason. Bebe blachi di lamunchi komo te na herebé den wea pa sinku minut i lage bira lou na moda di bebe. Por duné sabor ku “honing” i no suku artifisial kual ta kibra e trabou sanatorio. No tin prueba ku e ta kombati covid-19, pero e tin tur e propiedatnan pa kombati e virus. E kayente di e te tambe a demostrá di ta un bon arma kontra e virùs.

Ta bon pa bo sa ku…e te di blachi di lamunchi por ta un arma poderoso pa kombati Covid-19 den e kurpa.